اشهى أكلات العيد

أشهى أكلات العيد
طبق مشــــويات :

ربع كيلو لحم ضانى صغير من بيت الكلاوى
نصف كيلو ريش ضانى صغيرة
ربع كيلو كبدة شرايح رفيعة
2 كلاوى ضانى
4 قطع صغيرة من اللية فى حجم البندقة
2 بصلة مفرومة فرما ناعما
2 معلقة كبيرة عصير ليمون
ملح وفلفل

الطريقة :

تشق الكلاوى نصفين وتغسل جيدا
نغسل اللحمة والريش ثم ينقع الجميع فى البصل
المبشور بعد دعكه بالملح والفلفل وعصير الليمون
يترك الخليط منقوعا لمدة نصف ساعة
يشوى فى الشواية بعد دهنها بالزيت او على الفحم
اول ما تشوفى الدم ابتدى يظهر على سطح اللحمة
نقلب اللحمة على طول على الناحية التانية
لحد ما تلاقى برضة الدم ظهر على اللحمة بعدها
تقلبى اللحمة لحد ما تستوى لمدة دقايق
نشيل اللحمة من على الشواية ونرصصها على
طبق مفروش بالبقدونس

************************

الكلاوي المحمرة

المقادير :
• كلاوي مقطعة شرائح.
• نصف ملعقة صغيرة حبهان مطحون.
• ربع ملعقة صغيرة شطة حمرا.
• 5 فصوص ثوم مقشرة ومهروسة.
• زيت أو سمن للتحمير.
• ملح وفلفل.
• أوراق بقدونس أو أوراق جرجير للتقديم.
الطريقة
تبلي شرائح الكلاوي المقطعة بالبهارات والحبهان والملح والشطة.
بعد كده هاتِ طاسة وحطي فيها زيت أو سمنة زي ما تحبي وضيفي إليها التوم وقلبي لغاية ما يحمر.
بعد كده ضيفي شرائح الكلاوي المقطعة وشوحيها على نار هادية لغاية ما تستوي.
حطيها في الطبق وزيني الطبق بأوراق البقدونس والجرجير وبالهنا والشفا.

***********************

لسان بالخضراوات

المكونات
• لسان.
• بهارات (ملح، فلفل، زعتر).
• فلفل رومي أحمر.
• بصلة كبيرة مقطعة شرائح.
• فصان حبهان.
• عود كرفس.
• بصلة.
• سمنة.
الطريقة
هاتِ اللسان ونظفيه كويس وبعد كده اسلقيه في إناء على النار وضيفي إليه عند السلق حبهان وبصلة وعود كرفس.
بعد ما تسلقي اللسان شيليه من مية السلق وقشري الجلد الخارجي منه وهو سخن.
بعد ما يبرد قطعيه شرائح بعد كده حمري البصلة في طاسة فيها شوية زيت أو سمن والفلفل الرومي وتشوح شرائح اللسان المقطعة حتى تنضج الخضراوات واللسان تماماً وتضاف البهارات والملح..

********************************

الكبدة

المقادير:
• كبدة الخروف.
• بصلة كبيرة.
• فصين توم.
• عصير ليمون.
• توابل وبهارات وملح.
• نصف فنجان زيت.

الطريقة :
قطعي البصلة قطع صغيرة وبعد كده ضيفي إليها التوابل والبهارات وعصير الليمون..

بعد كده قطعي الكبدة إلى شرائح وضيفيها للخليط السابق وقلبيهم وسيبيهم ساعة علشان الكبدة تبقى متتبّلة..

بعد كده حطيها في صينية على نار هادئة وضيفي إليها نصف فنجان الزيت وقطعي فصين التوم إلى قطع صغيرة وضيفيهم إليها..

سيبي الكبدة على النار لمدة نصف ساعة مع التقليب المستمر، وبعد ما تستوي الكبدة حطيها في الطبق ومعاها طبق سلطة خضراء وطبق رز أبيض أو مكرونة... وبالهنا والشفا

**********************

فخدة فى الفرن

فخذة ضانى- 2 ملعقة كبيرة صلصة طماطم- ملعقة كبيرة بهارات لحم
2ملعقة كبيرة خل- ملعقة صغيرة فلفل أسود- ملعقةكبيرة ملح 5- فصوص ثوم صحيحة – بصلة كبيرة مقطعة حلقات 2 ملعقة كبيرة زيت او سمنة

الطريقة:
اغسلي الفخذة ونشفيها
اعملي بعض الخروم بالسكينة فى لحم الفخذة
ضعي في طبق الملح و الفلفل – و البهارات – و الخل – و اخلطيها جيدا
ضعى فى الخروم من خلطة التتبيل وفص ثوم صحيح فى كل خرم وبباقى خلطة التتبيل ندعك بيها الفخدة كلها كويس
نضع الزيت او السمن فى صينية كبيرة على النار ونحمر فيها البصل
نضع الفخدة فى السمنة ونقلبها كويس فيها لحد ما تحمر من جميع الجهات
نتركها على النار ونغطيها مع اضافة الماء كلما احتاجت الى ان تستوى تلت ارباع سوى
غطى الصينية بورق الألمنيوم،و ضعيها فى الفرن
لحد ما تستوى وقبل ما تخرجيها شيلى الورقة الفويل من عليها وادهنيها بصلصة الطماطم

***************************

كبدة بالدقة

المقادير:

* ½كيلو كبدة بتلو.
* 1/2 راس ثوم مهروس.
* 3 معالق زيت.
* عصير ليمون.
* معلقة كبيرة بقدونس مفروم.
* ملح وفلفل و كمون.
الطريقة
- تغسل الكبدة كويس بالماء والخل
- وتشطف بالماء وتقطع شرائح رقيقة
- ندهن مقلاية بالزيت ونشوح فيها الكبدة كويس على نار عالية لحد ماتستوى ونشيلها من على النار
- نخلط كل مقادير الدقة اللى عندنا مع بعضالثوم والبقدونس و عصير الليمون والملح والفلفل والكمون ونضعهم على الكبدة اول ما تنزل من على النارونقلبهم كويس لحد ما الدقة تتخلط كويس بالكبدة ونقدمها ساخنة.

****************************************
كبدة الكباب

المقادير
- 1/2 كيلو كبدة.
- 3 معالق سمنة.
- 1/2 راس ثوم.
- كوب عصير طماطم.
- ملح – فلفل – بهارات.
الطريقة
- بعد مانغسل الكبدة كويس ونجهزها نقطعها مكعبات.
- اقدحى السمنة وحمرى فيها الثوم (بس يكون مقطع حلقات مش مهروس )
لحد ما لونه يصفر
- ضعى مكعبات الكبدة على الثوم وتقلبى وتغطى الحلة وتكون النار
هادية لحد ما الكبدة تنشف مايتها
- اضيفى عليها عليها عصير الطماطم و الملح والفلفل والبهارات
- اتركيها على نار هادية لحد ما تتسبك وتبان السمنة .
حمرى فيها الكبدة وتقدميها.

*****************************************

كبد وكلاوى بالصوص مع الارز الابيض

المقادير
1* كيلو كبدة ضانى .
* عدد 3 كلاوى.
* عدد 2 قلب .
* 2فلفل اخضر رومى او حامى.
* رأس ثوم مفصصة ومفرومة.
* ملح – فلفل – كمون.
* ربع كوب زيت.

الطريقة

- يقطع الكبد والكلاوي والقلوب إلي شرائح رفيعة او مكعبات
- ثم تغسل بالماء وتصفي في مصفاة كل واحد لوحدة
- ثم يسخن الزيت وتقلب شرائح القلوب والكلاوي كويس لحد ما ينزلوا مايتهم ويشربوها
- وبعدين تضاف شرائح الكبدة إلي القلوب والكلاوي وتقلب جيدا ثم يضاف الثوم و الملح و الفلفل و الكمون والفلفل الأخضرثم يقلب كله مع بعض ويترك علي نار هادئة لحد ما يستووا مع اضافة القليل من الماء كلما احتاجوا
ويقدم مع طبق من الارز الابيض

***********************************

الكبدة بالفلفل و الطماطم

المقادير
* نص كيلو كبدة .
* ملح _فلفل _فلفلة رومى كبيرة _بصلة كبيرة .
* طماطماية كبيرة .
* معلقة زيت او سمن _ معلقة صغيرة خل .فصين ثوم.
الطريقة

* نقطع الكبدة قطع صغيرة و كذلك الفلفل و البصل و الطماطم .
* نضع السمن فى حلة و نشوح فيها البصل و الفلفل و فصين الثوم لحد ما يصفروا
* ثم نضع الطماطم و الخل و نقلب ثم نضع الكبدة و نقلب نقلب لحد ما تاخد لون محمر
* اضع ربع كوب فى ربع كوب ماء لحد ماتستوى و يكون فيها صوص بنى.

*******************************

الكبدة بالردة

المقادير
* كيلو كبدة شرائح .
* رأس توم مفرومة ناعم جدا .
* ملح -فلفل - نصف ملعقة صغيرة كمون - 2 ملعقة كبيرة كزبرة ناعمة .
* 2 كوب ردة ناعمة + نص كوب دقيق – ( تخلطيهم مع بعض ).
* زيت للقلى.
الطريقة

- تبلى الكبدة و ضعى عليها و الملح و الفلفل و التوم و الكزبرة و الكمون و قلبيهم كويس وحطيها فى الثلاجة تقريبا ساعتين علشان تشرب من كل التتبيلة كويس
- طلعيها من الثلاجة و سخنى الزيت
- نضع شريحة شريحة فى خليط الردة بالدقيق و اضغطى عليها با يدك كويس من الناحيتين
- و ضعيها فى الزيت لحد ما تحمر من الناحيتين بس خلى بالك الكبدة اساسا بتستوى بسرعة يعنى ما تسيبيه على النار كثير

******************************
الفتة :

ارز ابيض مستوى .
عيش بلدى محمص .
لحمة مسلوقة بالشوربة .
صلصة طمامم بالخل و الثوم .

طريقة سلق اللحمة ( ضانى او بتلو او كندوز صغير او رقبة )
نضع الماء على النار و فية بصلة كبيرة مقطعة نصين و وورقتين لاورو و ملح وقلفل الى ان تغلى اضع اللحمة و اشيل طبعا الريم كل ما يطلع و ارمية الى ان تستوى 3/4 سوى اروح بالكبشة اشيلها من الشوربة و اصفى الشوربة بالمصفاة
اجيب حلة تانية نظيفة و اضع فيها ملعقة كبيرة سمن و لما تقدح ارمى فيها فصين مستكة و فصين حبهان حتلاقى ريحتهم طلعن تروحى حطة على طول اللحمة كلها ثقليبة فى السمنة و تلروحى منزلة عليها الشوربة حتعمل تششششش و حتشمى بقى ريحة الشوربة الجميلة
حتستوى اللحمة اطفى النار

طريقة عمل الصلصة بالخل و الثوم :
اضع على النار 2ملعقة سمن و عليهم راس ثوم مفرى لحد ما يصفر بس الثوم
اروح حطة علية 1/2 كوب خل حتى يغلى
ثم اضع صلصة طماطم وملح وفلفل و بهارات و قليل من الماء ؤ اتركها حتى تتسبك حوالى 10 دقائق

طريقة تركيب طبق الفتة :
1_ اقطع العيش قطع متوسطة فى الطبق او الصينية و ارشرشة بالشوربة لحد ما كلة يشرب شوربة
2_ اضع الارز على العيش و افردة كويس و اضع كبشة شوربة
3_ ثم اضع بالكبشة صلصة الطماطم علىوش الارز كلة بس مش قليلة
4_ ثم ارصص قطع اللحم الهوبر على و ش طبق الفتة و حيطلع منظرة و ريحتة تفتح النفس

***************************

لحم الضأن مع الفلفل

المقادير:

12 كيلو فاصولياء
ا-2 فلفل رومي احمر
بصلتان
2 كيلو لحم (شرائح رفيعة)
-بقدونس
-4 مك زيت
-4 فصوص ثوم
-14 ك صلصة الصويا
-13 ك مرقة الدجاج-ملح
الطريقة:
تقطع الفاصوليا بالورب، تقطع الفلفل والبصل ويفرم البقدونس
يوضع اللحم ويحرك لمدة 3 دقائق ثم ترفع عن النار،يهرس الثوم ويوضع في المقلاة السابقة ثم البصل والفلفل والفاصوليا وتقلى لمدة 4 دقائق
تضاف الصويا والمرقة ثم اللحمة وتقلب لمدة 5دقائق ،يضاف البقدونس و الملح

اكلات العيد المصرية

الفتّة اللذيذة

اشهى أكلات العيد Kamar_01

أكيد العيد مش هيكون عيد من غير طبق الفتة اللذيذ ودي أحسن طريقة لعمل الفتة..

المقادير:

• كيلو لحم ضأن مقطع بالعظم ويا ريت يكون "لحم الكتف".
• نص كيلو رز.
• ماء ساخن.
• بصلة كبيرة ومقطعة قطع صغيرة.
• 2فص حبهان.
• ملعقة قرنفل.
• 6فصوص ثوم مهروس.
• رغيف خبز محمص.
• نصف ملعقة صغيرة مبشور جوزة الطيب.
• عود قرفة.
• ورقة لاورا.
• ملح.
• كوباية كبيرة عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض.

الطريقة:

1. هنسلق اللحمة الضاني ونضيف ليها عند السلق بصلة وورقة لاورا وفص حبهان وملعقة القرنفل والملح ونسيبها لغاية ما تستوي.

2. أثناء ما اللحمة بتستوي هنجيبِ الأرز ونغسله وبعد كده نجيب الصينية اللي هنعمل فيها الأرز ونحط فيها ملعقة ونصف سمنة وبعد كده نضيف ليها الرز ونقلبه على النار لمدة خمس دقائق بعد كده نجيب ميه ونضيف ليها شوية ملح ونضيفها للرز ونسيبه على نار هادية لغاية ما يستوي.

3. هنجيب بصلة ونقطعها قطع صغيرة ونحمرها في السمنة لغاية ما نلاقي لونها بدأ يميل إلى اللون الأصفر نضيف ليها التوم مع التقليب لما نلاقيهم لونهم بدأ يكون ذهبي نضيف ليهم كوب عصير الطماطم والصلصة ونسيبهم على نار هادئة لمدة 10 دقائق، ونضيف ليهم شوية شوربة ونسيبهم على النار لمدة ربع ساعة.

4. بعد كده هنجيب الصينية ونقطع فيها الخبز ونضيف ليه شوربة اللحمة ونسيبهم لمدة عشر دقائق علشان العيش يتشرب من الشوربة.

5. هنجيب طبق كبير ونحط فيه الأرز والخبز ونحط فوقهم الصلصة اللي عملناها ومن فوقها اللحمة...

وبالهنا والشفا

لحمة ضاني مشوية
اشهى أكلات العيد Kamar_03

المقادير:

• لحمة ضاني مقطعة مكعبات متوسطة الحجم أو "ريش".
• كوب كبير عصير طماطم.
• ملعقة صغيرة فلفل أسود.
• ملعقة صغيرة شطة حمراء ناعمة.
• 10 فصوص ثوم.
• ملعقة كبيرة خل أبيض.
• ملعقة كبيرة كمون مطحون.
• 1 حبة جوزة الطيب مبشورة ناعم.
• 1 بصلة كبيرة.
• فلفل رومي أخضر.
• نص فنجان زيت.

الطريقة:

1. هنجيب اللحمة ونغسلها كويس.

2. هنجهز تتبيلة اللحمة وهي عبارة عن "الزيت + الخل + الكمون + جوزة الطيب + البصلة + عصير الطماطم + الفلفل الأسود + الفلفل الأخضر + الثوم + الشطة" ونضربهم مع بعض في الخلاط.

3. بعد كده هنجيب صينية وندهنها بالخليط ده وبعد كده نبدأ في رص اللحمة في صورة طبقات وبين كل طبقة وطبقة نحط خلطة التتبيل...

4. بعد ما نخلص من رص اللحمة نحطها وخليط التتبيل في التلاجة لمدة 3 ساعات، بعد كده نخرجها ونشويها على الشواية الكهرباء أو الفحم...

وبالهنا والشفا

فخد ضاني في الفرن مع أرز بالخلطة
اشهى أكلات العيد Kamar_02

المقادير:

• فخدة ضاني.
• كيلو فلفل رومي أحمر.
• 4علب زبادي.
• 5معالق صغيرة خل تفاح.
• كيلو رز.
• كوباية كبيرة زيت.
• 2 ملعقة كبيره ملح.
• 2ملعقة كبيرة عسل أبيض.
• 2ملعقة كبيرة بهارات.
• ملعقة صغيرة كاري.
• نصف كيلو بندق.
• كوباية كبيرة ماء.
• فلفل أصفر وأخضر مقطع قطعا صغيرة.
• ملعقة صغيرة فلفل أسود.
• قطعتان فحم.

الطريقة:

1. هنجيب الفخدة ونعمل فيها فتحة كبيرة بالسكين، بعد كده نتبل الفخدة بمزيج الخليط الآتي" الزبادي والملح والعسل والخل والبهارات والفلفل الأسمر"...

2. بعد ما نتبل الفخدة بالخليط ده نحطها في الثلاجة لمدة يوم بعد كده نطلعها من التلاجة ونجيب الفلفل الرومي الأحمر ونقطعه إلى قطع صغيرة ونحشيها بيه، بالإضافة إلى باقي الخليط المنقوع فيه الفخدة...

3. نحطها في الفرن وندهنها بالزيت ونسيبها في الفرن لمدة ساعة أو ساعة ونصف أو لغاية ما لونها يبقى أحمر وتستوي...

5. بعد كده نسخّن قطعتين الفحم على النار لغاية لونهم ما يبقى أحمر ونحطهم على الفخدة وهي سخنة ونغطي عليها علشان تحتفظ برائحة الفحم علشان تدي مذاق ورائحة رائعة.

6. نصفّي الصوص النازل من الفخدة ونضيفه إلى الرز على النار ونقلب كويس وبعد كده نضيف إليهم كاري وملح ومية وبندق ونقلبهم على نار هادية لمدة ربع ساعة أو لغاية ما نلاقي الرز استوى.

7. هنجيب الفخدة ونقطعها شرائح ونقدمها في طبق مع الرز ونرش من فوق شوية ملح وفلفل أخضر وأصفر للتجميل.

وبالهنا والشفا

صينية الرقاق بالبشاميل
اشهى أكلات العيد Kamar_04

ودي كمان أكلة بسيطة ممكن إننا نعملها في العيد

المقادير:

• نصف كيلو رقاق.
• بصلة مقطعة قطع صغيرة.
• نص كيلو لحمة مفرومة.
• نص كوب كبير زبدة.
• نص كوب كبير دقيق.
• 4 كوبيات لبن.
• ملح و فلفل.
• 2بيضة.
• كوب كبير شوربة لحمة.

الطريقة:

1- هنعصج اللحمة المفرومة عن طريق إننا نقطع بصلة كبيرة إلى قطع صغيرة بعد كده نضيف ليها الملح والفلفل الأسود واللحمة ونحطهم على النار ونضيف ليهم معلقة زبدة ونسيبهم على النار مع التقليب المتسمر وبعد نص ساعة نضيف ليها كوباية مية ونسيبها على النار لغاية ما اللحمة تشرب المية وتستوي.

2- بعد كده هنجهز البشاميل عن طريق إننا نسخن الزبدة ونضيف ليها الدقيق مع التقليب لغاية ما لون الدقيق يبقى ذهبي بعد كده نضيف ليه اللبن تدريجيا مع التقيب المستمر لغاية ما يبقى قوامه سميك بعد كده نضيف ليه الملح والفلفل الأسود بعد كده نشيله من على النار وبعد ما يبرد نجيب بيضة ونحطها في طبق ونضربها بالمضرب مع الملح والفلفل وبعد كده نضيفها إلى البشاميل ونقلبهم مع بعض.

3- هنجيب الرقاق ونبلّه بالشوربة السخنة "ممكن إننا نستبدل الشوربة بالمية" علشان يكون خفيف.

4- هنجيب صينية فرن وندهنها بالزبدة ونرص فيها نص كمية الرقاق الموجود عندنا ونضيف ليها اللحمة وبعد كده نص كمية البشاميل وبعد كده نرص باقي كمية الرقاق الموجودة، بعد كده نغطي وش الصينية بباقي كمية البشاميل الموجود عندنا.

5- هندخل الصينية في فرن متوسط الحرارة لمدة نص ساعة أو لغاية ما وشها يحمر بعد كده نخرجها من الفرن ونقطعها.

وبألف هنا وشفا *** وكل عام وأنتم بخير