تدبير منزلى اسهل طريقة لعمل مربى البرتقال

[]نصائح لعمل المربى في المنزل
[/أولأ السكر والفواكه

خلّي بالك إن السكر اللي هتعملي بيه المربى يكون نقي مفيهوش شوائب، و كمان الفواكه تكون طازجة.

ثانيا إناء الطهي
حاولي إنك تستعملي إناء مستدير سميك من الجوانب.

ثالثا للتقليب
بلاش تستعملي معلقة معدنية للتقليب وحاولي إنك تستبدليها بمعلقة خشب.

رابعا استخدام نار هادئه
خلّي بالك إنك تذوبي السكر على نار هادئة وتحاولي إنه يدوب على الآخر وده علشان المربى ماتسكرش قبل ما تغلي.

خامسا الاضافةإ تضيفي عصير الليمون إليه علشان المربى ماتسكرش منك قوي.

سادسا أول بأول
احرصي وإنت بتقلبي المربى إنك تشيلي الريم أول بأول وده علشان المربى يكون لونها رايق وصافي.

سابعا البرطمان
بالنسبة بقى للبرطمان اللي هتعبي فيه المربى فده لازم يكون نضيف قوى قوي قوي، وجاف تماما من المياه هو والمعلقة اللي هتستخدميها علشان المربى ماتفسدش بسرعة.


ثامنا أحكمي الغلق
زي ما بيكتبوا على علب المربات لازم تملي البرطمان على الآخر علشان مايكونش فيه حيز يسمح بدخول الهواء، وخلّي بالك إنك تقفلي الغطاء كويس قوي علشان المربى ماتفسدش بسرعة.

تاسعا اختبار نضج المربى
علشان تعرفي إذا كانت المربى استوت ولا لأ؟ فيه حاجة ممكن تعمليها وهي إنك تاخدي معلقة من المربى وتحطيها على طبق جاف وتسيبيها شوية لغاية ما تبرد. وبعد كده تشوفي إذا كانت سميكة ولا لأ.

عاشرا في التلاجة
بعد ما تبرد المربى عبيها في البرطمان زي ما اتفقنا واحتفظي بيها في الثلاجة




بسم الله الرحمن الرحيم

تدبير منزلى اسهل طريقة لعمل مربى البرتقال

المقادير:

نصف كوب عصير برتقال
عدد سبعة برتقالات
نصف كوب سكر
عصير 2 ليمون

الطريقة :

تبشر القشرة الخارجية للبرتقال
وينقع القشر لمدة 12 ساعة في ماء بارد
ثم يسلق للتخلص من المرارة
ثم يخلط
ثم يضاف الخليط الي السكر والعصير
ثم يرفع علي نار هادئة مع التقليب
ثم يضاف الليمون
وتترك علي النار حتي يغلظ
ثم يعبأ في برطمانيات
[/size]